Maxkamadda gobolka Banaadir ayaa soo saartay warqad ay ku baafineyso 9 qof oo u badan masuuliyiin ,kuwaa oo loo heesto in ay qeyb ka yihiin musuq maasuq lagu xaday lacag malaayiin dollar ah.

Warqada kasoo baxday maxkamadda gobolka Banaadira ayaana lagu baafinayaa sagaalkan xubnood ee dhawwaan Xeer ilaalinta Qaranka ku eedeesay in ay ku kaceen musuq maasuq iyo isdaba marin, kuwaa oo dalka ka maqan kuna jira baxsad.

Xubnaha maxkamadda gobolka Banaadir baafineyso ayaa waxaa ku jira agaasimayaashii hore ee hay’adda Socdaalka iyo Jinsiyadaha Cabduqaadir Cilmi Cali (Cabdul) iyo Maxamed Aadan Koofi, waxaa sidoo kale ku jira liiskan Muxudiin Jurus.

Maxkamadda ayaana amartay eedeeysanayaashan loo heesto musuq maasuqa in muddo bil gudahood ay ku hor yimaadaan maxkamadda gobolka Banaadir, haddii aysan imaana maxkamadda ay qaadi doonto tallaabo.