Mareykanka oo si kulul uga hadlay rabshadihii dhiiga ku daatay ee ka dhacay dalka Jabuuti

0
181

Dowladda Mareykanka, ayaa waxa ay ka hadashay Rabshadihii Isniintii la soo dhaafay ka dhacay Magaalada Jabuuti ee dalkaasi, kaasi oo ay dad ku dhinteen kuwa kalena ay ku dhaawacmeen.

War qoraal ah oo ka soo baxat Wasaarada Arimaha Dibada dalka Mareykanka, ayaa lagu cambaareeyay falkaasi Rabshadaha ah ee ka dhacay dalka Jabuuti.

War-saxaafadeed ay Wasaaraddu soo saartay, oo uu ku saxiixnaa Afhayeenka Wasaaradda John Kirby, ayaa sidoo kale dowladda Jabuuti loogu yeeray inay si deg deg ah u sii deyso xubnaha mucaaradka ee la xiray.

Afhayeenka Wasaarada Arimaha Dibada dalka Mareykanka ayaa ka tacsiyadeeyay dadkii ku geeriyooday weerarkaasi, halka ku dhaawacmayna uu u rajeeyay inay caafimaadaan.

Dowladda Jabuuti ayaa wuxuu ugu baaqay inay tixgeliso oo ay xaqdhowrto xuquuqda Bini’aadamka maadaama rabshadihii dhacay ay dhexmareen Bulshada qaar ka mid ah iyo ciidamada Booliska.

“Waxaan ugu yeereynaa dowladda Jabuuti iyo siyaasiyiinta inay sameeyaan wada hadal looga fogaado rabshado dhaca mustaqbalka,” ayaa lagu yiri war-saxaafadeedka ka soo baxay wasaaradda arrimaha dibadda Maraykanka, kaas oo intaasi ku daray, in mucaaradaka iyo dowladdu ay dib u billaabaan wada hadallada nabdeed si loo xaqiijiyo inay dhacdo doorasho nabad galyo oo cad sanadka 2016.

“Waxanu mar kale xaqiijineynaa taageerada aan u heyno wada hadalladan iyo ballan qaadka dowladda Jabuuti ee ku aaddan xoojinta dowladnimo dhameystiran iyo horrumar,” ayaa lagu soo gaba gabeeyay war-saxafadeedka ka soo baxay wasaaradda arimmaha dibbada Marykanka.

FADLAD KA DHIIBO FIKIRKAAGA QEYBTA HOOSE